Kalera rock - kontzertuak

Presoen aldeko jaialdia da Kalera rock, eta otsailaren 25ean Durangon izango da. Goizean bazkaria, elektrotxaranga, umeentzako jolasak eta bertsolariak izango dira besteak beste eta arratsaldean
gorputza musika estilo ezberdinen erritmora mugitu nahi duen orok ere izango du bere lekua. Kontzertuei 17:00etan emango zaie hasiera Landako gunea hartuko duten bi eszenatokietan eta besteak beste, Betagarri, Des-kontrol, Habeas Corpus, Vomito, Bizardunak, Ze Esatek! eta Obrint Pas izango ditugu gure artean. Egunari amaiera emateko, Plateruena kafe antzokian agurtuko dute aurtengo Kalerarock Trikizio taldearekin.

+info: http://www.kalerarock.org/

Hatortxu Rock kontzertuak

Hatortxu Rock bertan da! Antolatzaileek kartela azaleratu egin dute eta 2 egun desberdinetan izango da. Urtarrilaren 7an eta 8an izango da aurten, eta estreinuko aldiz, Zizur Nagusian. Beti bezala, Euskal Herritik kanpo dauden presoak EHra ekar ditzaten egiten da. Talde hauek izango dira bertan: Zea Mays, Kerobia, Governors, Vómito, Kaotiko, ZTK Rap, Amaiur, Gatibu, Vendetta eta Berri Txarrak. Asteburu pasa joateko egokia ezta?

Informazio gehiago, http://hatortxurock.org/ helbidean.