Zoroetxeko harresia - Gosariak

Gosariak izeneko elkarlanak uzten digun beste harribitxi bat da bideoklip hau, Mikel Clementek zuzendu duena:

Alegrantziaren aldeko konjura - Gosariak

Joseba Sarrionandia idazleak, Gose musika taldeak eta Iñigo Arregi eta Juan Luis Goikolea artista plastikoek, indarrak batu dituzte "Gosariak" lanean. Sarrionaindiak sortutako testuak kanta bilakatzen dira Goseren eskutik, eta era berean irudi bihurtzen dira Iñigo Arregi eta Juan Luis Goikolearen lanari esker, edozein norabide har dezakeen lan bakarra borobilduz.
Honako kanta hau lanaren zazpigarren pieza duzue:

Hil da europa - Gose

Gose taldearen "Hil da Europa" zuzeneko bideoklip berria:

Zaborra remix - Gose

Hemen da “Zaborra Recycled”.Goseren azken diskoan  aurkitzen den “Zaborra” abestia %100 birziklatu du Riders On The Floorek dantzalekuak betetzeko, erremix beraren bertsio luzatu batekin batera, eta Mikel Clementek irudiekin jantzi du izen bereko bideoklipa.

Ikasle Abertzaleak 25. urteurrena - Gose

"25. urteurrena" kanturako Gose taldearekin Mikel Clementek egindako bideoklipa:

XXX - Gose

Gose IIIII disko berriko XXX kantaren zuzeneko bideoa:

Ezetz - Gose

Gose IIIII diska berriko "Ezetz" kantaren bideoklipa, 2 Dimentsiotan. 3Dan ikusten ahal da ere: http://www.youtube.com/watch?v=MmK8-VM19jk

Bang! - Gose

Gose taldearen "Gose IIIII" diska berriaren aurrerapen abestia da hau.

Bonberenea Sutan - Gose

2 urtez behin egiten den ekitaldi honi jarraipena emango zaio hirugarren aldiz, eta talde berri eta indartsuak izango ditugu Bonbereneako futbol zelaiean: Glaukoma, matxura, Berri Txarrak, Gose eta GAS drummers. Aurtengo kanta gose taldeak egin du:

Herri Urrats 2012 - kontzertuak

Datorren maiatzaren 13an ospatuko dute Herri Urrats Senperen eta dagoeneko badakigu Anje Duhalde, Zarama, Su ta Gar, Gose, Bidaia eta Obrint Pas taldeak han izango direla. Xalbador Ikastolarentzako izango da aurten bildutako dirua. Halaber,  La Troba Kung Fu talde katalanak 2012ko abestia egin du eta entzun edo deskargatu daiteke jaiaren weborri ofizialean:  http://www.herriurrats.com/. Egitaraua HEMEN duzue.

Animatu zaitezte!

Arabatakada 2012 - kontzertuak

Aurtengoan Arabatakada jaialdiaren bederatzigarren edizioa ospatuko dute Maiatzaren 11ean, ostiralez, Mendizabalako landetan. 10:30etan Kanpuseko ikasleen arteko olinpiadak izango dira, kanpusean bertan. 14:00tan herri bazkaria. 17:00etatik aurrera kontzertuak hasiko dira hurrengo taldeekin: Maketa lehiaketako irabazlea, Gose, Hesian, Betagarri, Kaotiko, EH Sukarra eta gaupasa Tximeleta erromeriarekin.

Informazio guztia eta sarrerak: http://www.arabatakada.org/

Naizena Izateko - Gose

Naizena izateko da GOSEk Euskal Herriko Gazteria Sexu Askapenerako Mugimendurako (GAZTEHGAM) egin duen kanta. Abesti hau izango da gay, lesbiana eta transexualen eskubideen aldeko "Norma denak hautsi nahi ditugu!" kanpaina berriaren abesti ofiziala.
"Naizena izateko" bideoklipa:

Korrika 17 amaierako jaia

Korrika bukatzen ari da eta Donostian amaituko da igande honetan (apirilak 17) jai handi batekin. Egun osoan zehar aktibitate ugari egongo dira, joaldunak, tailerrak, herri dantza eta sagardotegia besteak beste. Musikari dagokionez, 14.00etatik aurrera kontzertuak izango dira Trinitate plazan. Talde hauek izango dira bertan: Zpeiz Mukaki, Flasmob, Gose, Izate, Esne Beltza eta Ze Esatek!. Orden horretan joko dute.

Animatu zaitezte eta joan Donostiara igande honetan euskararen alde egiteko....eta ongi pasatzeko ere!

AtekaRock jaialdia

Apirilaren 2an, Leitzan ospatuko da AtekaRock jaialdia eta talde indartsuekin dator! Besteak beste, Berri Txarrak, Gose, Su Ta Gar edo Vendetta izango dira.

AtekaRock Jaialdia Leitzako Herri Mugimenduko talde desberdinen elkarlanetik sortutako proiektua da. Herriko Atekabeltza etxean parte hartzen duten kolektiboek osatzen duten elkartetik abiatuta, herriko jendea dabiltza musika jaialdi honen antolakuntzan jo eta su, etorkizuneko Herrigune izango den eraikina moldatzeko helburuarekin, besteak beste. Horregatik aukeratu dute "Elkarlanetik jaio, musikatik eraiki!" lema aurtengo AtekaRock Jaialdirako. Horixe baita azken batean jaialdi hau, elkarlana eta musika bateratzen dituen herri ekimen bat.

Iturria eta informazio guztia: http://atekarock.blogspot.com/

Surik Bai? - Gose (Gose IIII)

Kolaborazioz betea dagoen ''Gose IIII'' diskatik abesi ''mitiko'' bat:

Euskalakari - Gose (Korrika abestia)

Aprilaren 7an, Trebiñun hasiko da aurtengo korrika 17, eta hemen dugu edizio honetako abestia: Euskalakari. Gose musika taldeak egin du eta bere betiko doinuak erabili ditu, trikitixa erabiliz, noski. Hemen deskargatu dezakezue abestia, eskuineko botoiari eman eta gero ''guardar como''-ri eman: http://www.korrika.org/wp-content/uploads/Korrika-17ren-kanta-Euskalakari-Gose.mp3

Rimmel - Gose

Gose - Surik Bai

Gose taldeak durangoko azokarako, gose IV diska berria prestatu dute. Ez dira kanta berriak baina beste talde eta pertsona batzuek eraldatuta daude. Diskoarekin batera, DVD dokumental bat argitaratu dute. Hau, Surik Bai abestia, diska honetan agertuko da eraldatuta:

Scotland - Euskal Herria jaialdia

Eskoziak eta Euskal Herriak autodeterminazio eskubidea lortzeko, eta ongi pasatzeko noski, jaialdi bat prestatu dute larunbat honetan Ordizian. Urriaren 16an. Pailazoak, eskoziako kirolak eta gauza gehiago egongo dira, baina, musikari dagokionez talde hauek parte hartuko dute: Berri Txarrak, GOSE, Red Hot Chili Pipers (eskoziatik), Trikizio edo Oreka TX. Kontzertuetarako sarrera 20 euro balio ditu aurretik eta 25 bertan.

Kilometroak 2010

Datorren urriaren 3an, igandea, Kilometroen jaia hartuko du Pasaia-Lezok eta, beti bezala, musikak leku garrantzitsua beteko du Gipuzkoako ikastolen aldeko festan. Des-kontrol, Ze esatek!, Esne Beltza, Gose eta Betagarri egongo dira besteak beste. Aurtengo abestia Esne Beltzak egin du eta bere diska berrian sartu egin du: