Euskal Musika entzun hemen!

Euskal Herriko musika ez baita soilik rocka eta ska

2014(e)ko azaroakren 29(a)

Matxinada - Revolta Permanent

Urte batzuetako etenaldiaren ondoren, Barakaldoko Revolta Permanent rap taldea eraberriturik eta disko berriarekin, ‘Genesis’ izenekoa eta urrian plazaratua, itzuliko da. Iker Aginagak eta Iker Villak (Herri Oihua) abiatutako proiektuak bi taldekide berri ditu: Mikel Lopez Becerra (Herri Oihua) eta Aitor Abio (PI.L.T.-eko kide ohia, Matxura). Taldearen soinu elektronikoaz eta ekoizpen artistikoaz arduratzen da Aitor Abio eta PI.L.T. taldeko kidea izandakoa berriz zuzenean ikusteko aukera izango dugu.
Hemen duzue ''Matxinada'' kantuaren bideoklipa:

Giltz-gordea - Ruper Ordorika

''Lurrean etzanda'' izeneko lan berria aurkeztu berri du Ruper Ordorikak. ''Giltz-gordea'' bertan jasotzen den kantu bat dugu.

2014(e)ko azaroakren 27(a)

Denok korrikara - Korrika 19 abestia

Korrika 19ren bideoklipa ikusgai dago iada.
Korrikaren “Denok Korrikara!” kantua ez da aurreko edizioetan entzun duguna bezalakoa, izan ere, Oskorri musika-taldearen musika eta Gabriel Aresti poeta bilbotarraren hitzak dituen “Sautrela” kantuan dago oinarrituta. Ez dela ohikoa diogu, taldea bera ere ez delako ohikoa: berariaz Korrika 19ko kantua egiteko elkartu den taldea da aurtengoa. Taldean daude, beste hainbaten artean, AEK-ko eta Korrikako kideak, guztiak ere musika munduan ezagunak direnak.

Bring the war home - Oliba Gorriak

''Bring the war home'', Oliba Gorriaken "Garaipenera arte!" izeneko disko berriaren aurrerapen kanta da.


2014(e)ko azaroakren 26(a)

Belekoi anderea - Xaiko

Therapy diskoari eta taldeari berari bultzada emateko hiru abestiko "Paila" diskoa atera dute, baina lanak baditu ezaugarri bereziak. Pirritx, Porrotx eta Marimotots pailazo maitatu eta herrikoien hiru abesti ospetsuen bertsioak egin dituzte triki-punk-jai estilora ekarrita. Durangoko azokan zehar lehen diskoa erosita oparian bigarrena emango da. Diskoan Pirritx, Porrotx eta Marimotots pailazoek parte hartu dute abesten.

2014(e)ko azaroakren 25(a)

Egia gezurtzen - Altxatu

Altxatu taldearen bideoklip berria dugu hau, Tolosako Bonberenea gaztetxean zuzenean grabatutako bideoa.

2014(e)ko azaroakren 23(a)

España laztana, bukatu da gurea (bideoklipa)

Etxarri Aranazen auzolanean egindako bideoklipa da. “8 apellidos vascos” pelikula eta Mali Vaniliren “espanya carinyo lo nostre no funciona” kanta uztartu nahi izan dituzte. Ideia eta produkzioa Jon Palomorenak izan dira eta kantaren ahotsak Hesian taldeko Zuriñe eta Franek jarri dituzte.


2014(e)ko azaroakren 21(a)

Zerbait asmatuko dugu - Berri Txarrak

Berri Txarrak-en lan hirukoitzaren hirugarren aurrerapen singlea, ('Etsia' eta 'Lemak, aingurak'-en ondotik). Kantua egitasmoaren 3. grabaketa saiotik erauzia da, Coloradon (AEB) Bill Stevenson ekoizle mitikoaren ondoan eginikoa (The Blasting Room estudio ezagunean hain zuzen ere). 'Denbora da poligrafo bakarra' lan berria Azaro bukaeran kaleratuko da, taldearen Only In Dreams zigilu propioaren babesean.


2014(e)ko azaroakren 19(a)

Lauburu Tea Party - Anger

Anger taldearen lan berriaren lehen aurrerapen abestia hemen daukazue, estudiotik irten berria:

Zoroetxeko harresia - Gosariak

Gosariak izeneko elkarlanak uzten digun beste harribitxi bat da bideoklip hau, Mikel Clementek zuzendu duena:


2014(e)ko azaroakren 16(a)

Iraganeko - Skakeitan

“Ahots gabekoen ahotsa” (2012) diskoaren ostean, Skakeitan bueltan da berriz ere, inoiz baino indartsuago. Oraingoan beren azken lana aurkeztera datoz,  “Orekariak” (Mauka Musikagintza, 2014) hain zuzen ere, aurtengo urrian Higain estudioetan Haritz Harreguyrekin grabaturiko 10 abestiz osatutako proposamen berria.  Azaro amaieran aurkeztuko dute beren lan berria eta, honen aurrerapen gisa, “Iraganeko” abestia kaleratu dute.

2014(e)ko azaroakren 10(a)

Bizitza eder denean - Ruper Ordorika

Ruper Ordorikaren ''Lurrean etzanda'', azaroaren 27an aurkeztuko da. ''Bizitza eder denean'' aurrerapen kantua duzue.



Zure sua - Emon

Emon taldearen hirugarren diskoaren izenburua "Sua" da. Azaroko azken astean argitaratuko da. Hemen "Sua" diskoaren aurrerapen singlea: "Zure sua"


Herritar frontea - Oliba Gorriak

''Herritar Frontea'', Oliba Gorriaken "Garaipenera arte!" izeneko disko berriaren aurrerapen kanta eta bideoa dugu.


Euritan dantzan - Gatibu

Gatibu bueltan izanen da Durangoko azokarako lan berri batekin, eta oraingoz ''Euritan dantzan'' izeneko kanta entzungai jarri dute, diskoaren izena daraman kanta.


2014(e)ko azaroakren 7(a)

Zorte ona opa dizut - Anai Arrebak

 Anai Arrebak taldearen aurrerapen kanta da hau, eta ez da bakarik etorri, bi nahasketekin dator eta.

Alegrantziaren aldeko konjura - Gosariak

Joseba Sarrionandia idazleak, Gose musika taldeak eta Iñigo Arregi eta Juan Luis Goikolea artista plastikoek, indarrak batu dituzte "Gosariak" lanean. Sarrionaindiak sortutako testuak kanta bilakatzen dira Goseren eskutik, eta era berean irudi bihurtzen dira Iñigo Arregi eta Juan Luis Goikolearen lanari esker, edozein norabide har dezakeen lan bakarra borobilduz.
Honako kanta hau lanaren zazpigarren pieza duzue:


Azala - Siroka

"Azala", Sirokaren 4.proiektuaren lehenengo kanta da. Proiektua "Malutak" du izena ta oraingo honetan kanta berriak, malutak bezala, eroriko dira pixkanaka bideoklipetaz lagunduta. Bideoklip hau "Diecinnueve84"ko lagunek (Nikola Hurtado eta Goizeder Saez de la Fuente) zuzenduta ta ekoiztuta dago.

Gelditzeko - 22M2

22M2 (Hogeitabimetrokoadro) taldea Naroa Gaintzaren proiektu berria dugu eta azaroaren 12an aurkeztuko du ''Karratura'', taldearen lehen lan luzea. ''Gelditzeko'' kantua aurrerapen bat besterik ez da.

2014(e)ko azaroakren 2(a)

Katuen hirian - Apurtu

Apurtu taldearen "Katuen hirian" kantua, izen bereko album berrian aurkitu daiteke:


Sexuarekin - En Tol Sarmiento

En Tol Sarmiento taldearen hirugarren lanean aurkitzen ahal dugun kanta da "Sexuarekin". Askatasun sexualaren aldeko aldarria da, bakoitzak nahi duen moduan disfrutatzeko.


Gure Herria - Irrikan

Irrikan talde gaztearen kanta da "Gure herria". Ska doinuz betetako ''Bada garaia" izeneko diskoan aurkitzen da:


Utopia laztantzen - Fly Shit

Fly Shit taldearen kanta berria, "Barneko ahotsaren bila" izeneko lan berriaren aurrerapena da:


Xalbadorren Heriotzean - Les Voix Basques

Anne Etchegoyen eta Aizkoa abesbatzaren "Ongi Etorri" disko-bilduma Hegoaldeko publikoari eskeinita dago bereziki; iazko diskoko zenbait kantuk, aurten argitaratu berri duen bigarren diskoko beste zenbaitek eta bi kantu berrik osatzen dute lan hau. Aurreko lanarekin frantziar estatuan zehar kontzertuak eman zituen eta ezagun egin zen.
Hemen dago lanaren aurrerapen kanta, ''Xalbadorren Heriotzean'' kantaren bertsio bat: