Euskal Musika entzun hemen!

Euskal Herriko musika ez baita soilik rocka eta ska

2012(e)ko urtarrilakren 29(a)

Heriotza da bakea dakarren bakarra - Damudot

Damudot metal taldearen "Heriotza da bakea dakarren bakarra" diskorako izen berdina daraman abestirako egindako bideoklipa.

2012(e)ko urtarrilakren 25(a)

Ibaialde ikastolaren 25 urteurrena - Kontzertuak

Nafarroa hegoaldeko ikastolak egoera larrian daudela iragarri zuen atzo Ikastolen Elkarteak, Lodosa-Sartagudako Ibaialderen egoera azpimarratuz. Hori dela-eta, datorren otsailaren 5ean, igandea, Elkartasun Festa deitu du ikastolak berak Sartagudan, zentroak dituen behar ekonomikoei aurre egiteko.

12.00etatik aurrera kontzertuak izango dira frontoian, Laket, Neu'e Buruben, Norte Apache, Ze Esatek!, Bizardunak eta Los Zopilotes Txirriaos taldeekin. Ordu berean, baina eskola gunean, Sakanako herri kirolak eta Lezaungo trontzalariak ikusteko aukera izango da, besteak beste.

Bazkalostean, berriz, Aitzol Barandiaran, Aitor Sarriegi, Andoni Egaña eta Maialen Lujanbio bertsolariak arituko dira.

Euskal gizarteak euskararen aldeko ekimenei erakutsi izan dien elkartasuna goraipatuz, Koldo Tellitu Ikastolen Elkarteko presidenteak oraingoan ere bultzada ematera dei egin zuen. Horren harira, 2003an, euritea izan zela-eta, Irunberriko Nafarroa Oinez bertan behera gelditu zenean jasotako elkartasuna ekarri zuen gogora. Halaber, bere ekarpena egin nahi duen orok, Euskadiko Kutxako kontu korrontean (3035 0153 46 1531026051) egin ahal izango duela adierazi zuen.
(Gara)

Beraz, badakizue  Laket, Neu'e Buruben, Norte Apache, Ze Esatek!, Bizardunak eta Los Zopilotes Txirriaos ikusteko eta Ibaialde ikastola laguntzeko Otsailaren 5ean denok Sartagudara!

2012(e)ko urtarrilakren 24(a)

7katu - Itziarren Semeak

Itziarren Semeak taldeak 7katu gaztetxearen 5.urteurrenerako egindako kanta:

2012(e)ko urtarrilakren 21(a)

Neure txiki polita - Gontzal Mendibil

Mendibilen azken diskoa Neure txiki polita da (Elkar, 2011), haurtzaroan Arratian eta inguruan entzundako "kantu eta kontuen" bilduma. Diskoaren bideoklip bat:

Hildako gizona - Inoren Ero Ni

Espiraletik - Basaki

Basaki taldeak "Egunero hasten da" bere bigarren diskoko bideoklipa egin du.




2012(e)ko urtarrilakren 20(a)

2012(e)ko urtarrilakren 19(a)

Rosa Rosa - Ingo al deu?

Ai se eu te pego gustoko baduzu, hona hemen ''Rosa Rosa'', abesti famatuaren euskarazko bertsioa. Ezin duzu galdu! Kalitate hobearen zain gaude.


Gurea da geroa - Nekez

Urtarrilaren 9an kaleratu zuen disko berria Nekez taldeak ''Argiak piztu'' izenburuarekin. Diskaren aurrerapen kanta izan zena hemen duzue: Gurea da geroa

Hau ez da leku bat - Ain_1

Ain_1 bost neskak osatutako musika taldea da. Ongi pasatzeko asmoz sortutako proiektu xumea plazaratu dute, estilo intimistan eta txoko txikietako lasaitasunean entzuteko aproposa. 

Laztan Isilen Deiadarra - Lisabö

Lisabö taldearen disko berritik kanta bat. Sei kantu biltzen ditu oraingoan Bidasoakoen lan berriak.

2012(e)ko urtarrilakren 14(a)

Adigaitz eta Hesian - Borrokalari berrien aroa

Adigaitz taldea ikasle abertzaleentzako egindako abestia, Fran eta Zuriñeren ( Hesian ) laguntzarekin. Kanta hau ''Ikasle Musika Bilduma''n sartu dute. 15 kantaz osatutako diska da, non nafarroako talde hauek parte hartu duten: Pottoka Punk, Urratu, Auskalo, Adigaitz, Bolbora, DJ Mark Semontano, Ekibokados, Legez Kanpo, Skapada, Ahuntzape, Zurruto eta Urko Milagro.

2012(e)ko urtarrilakren 5(a)

Hatortxurock 13 - Kontzertuak

Duela hilabete bat baino gehiago eman genuen Hatortxurock-ari buruzko informazioa, baina, hemen daukazue berriro, ongi pasa Atarrabian!

Beste urte batez, ''HATORTXUROCK/ Hator hator neska mutil etxera!'' jaialdia urtarrilean izango da: oraingoan hamairugarren edizioa. Iazkoan bezala, aurten ere bi egunetan ospatuko da, urtarrilaren 6an, ostiralean eta 7an, larunbatean. 13. edizio honetan Hatortxu, gainera, Atarrabiara (entrecementerios) itzuliko da eta kontzertuak bi karpatan eginen dira: 21.30ean hasiko dira ostiralean eta 19.00tatik aurrera larunbatean.

Beste urte batez, zer esan taldeei buruz? Azkenengo edizioetan lortutako mailaren ostean aurtengo Hatortxurock ikaragarrizko taldeekin dator: BIDE ERTZEAN, KEROBIA + Lagunak (G. Urbizu BTX, Aritz DT, Naroa AMAIUR) ostiralean, hilaren 6an. 
Larunbatean SOZIEDAD ALKOHOLIKA, NARCO, REINCIDENTES, LEIHOTIKAN, KENZAZPI, BETAGARRI, ZE ESATEK! eta BAD SOUND SYSTEM taldeak arituko dira.

Informazio guztia, http://www.hatortxurock.org/ helbidean.